ബ്ലോഗുകളിൽ ആഡിയോ ഫയലുകൾ ചേർക്കുവാനുള്ള ഒരു ഫ്ളാഷ് വിഡ്ജറ്റാണ് ‘ആഡിയോ പ്ലെയർ’. ഈ വിഡ്ജറ്റിന്റെ ഒന്നാം പതിപ്പ് ഇവിടെ പരിചയപ്പെടുത്തിയിരുന്നു. കൂടുതൽ സാധ്യതകളും, പ്രശ്നപരിഹാരങ്ങളും കൂട്ടിച്ചേർത്ത ആഡിയോ പ്ലെയറിന്റെ രണ്ടാം പതിപ്പിനെക്കുറിച്ചാണ് ഈ പോസ്റ്റിൽ പ്രതിപാദിച്ചിരിക്കുന്നത്. ഇന്റർനെറ്റിൽ എവിടെ ചേർത്തിരിക്കുന്ന സൌണ്ട് ഫയലുകളും(മറ്റ് സാങ്കേതിക തടസ്സങ്ങളൊന്നുമില്ലാതെ നേരിട്ട് ലഭ്യമാണെങ്കിൽ), ഈ പ്ലെയർ ഉപയോഗിച്ച് ഒരു വെബ്‍പേജിലേക്ക് കൂട്ടിച്ചേർക്കുവാൻ സാധിക്കും.

പുതിയ സാധ്യതകൾ
• മെച്ചപ്പെട്ട സീക്ക് ബാർ - പാട്ട് എത്രമാത്രം ലോഡ് ചെയ്തു, എത്രഭാഗം വരെ കേട്ടുകഴിഞ്ഞു ഇത്രയും സൂചിപ്പിക്കുക മാത്രം ചെയ്യുന്ന സീക്ക് ബാറായിരുന്നു ആഡിയോ പ്ലെയർ ഒന്നിൽ ഉണ്ടായിരുന്നത്. എന്നാൽ ഇവിടെ കേൾവിക്കാരന് ആവശ്യാനുസരണം മുൻപോട്ടോ, പിൻപോട്ടോ സ്ലൈഡർ നീക്കി പ്ലേഹെഡ് സ്ഥാനം നിർണ്ണയിക്കുവാൻ സാധിക്കുന്ന മെച്ചപ്പെട്ട സീക്ക് ബാർ ലഭ്യമാണ്.
• മെച്ചപ്പെട്ട ശബ്ദനിയന്ത്രണം - ആദ്യ പതിപ്പിൽ, കേവലം ശബ്ദം പൂർണ്ണമായി ഒഴിവാക്കുവാനുള്ള(മ്യൂട്ട്) സാധ്യത മാത്രമായിരുന്നു ഉണ്ടായിരുന്നത്. ഇവിടെ ആവശ്യാനുസരണം സ്ലെഡർ നീക്കിയോ, -/+ ബട്ടണുകൾ അമർത്തിയോ പാട്ട് എത്ര ശബ്ദത്തിൽ കേൾക്കണമെന്ന് തീരുമാനിക്കാവുന്നതാണ്.
• ഡൌൺലോഡ് ബട്ടൺ - പാട്ട് ഡൌൺലോഡ് ചെയ്യുവാനുള്ള ലിങ്ക് പ്രത്യേകം നൽകേണ്ടതില്ല. കോഡ് ജനറേറ്ററിൽ, ഈ സാധ്യത തിരഞ്ഞെടുത്താൽ മാത്രം മതി. പ്ലെയറിൽ സൌണ്ട് ഫയൽ ഡൌൺലോഡ് ചെയ്യുവാനുള്ള ബട്ടൺ ദൃശ്യമാവും.
• ആർട്ടിസ്റ്റ്/ടൈറ്റിൽ/സമയം/ഫയൽ സൈസ് എന്നിവ പ്ലെയറിൽ ദൃശ്യമാക്കുവാനുള്ള സാധ്യതയും പുതിയ പതിപ്പിൽ ലഭ്യമാണ്.

പരിഹരിച്ച പ്രശ്നങ്ങൾ
• ഫീഡുകളിൽ പ്ലെയർ ദൃശ്യമാവുന്നില്ല. ജാവസ്ക്രിപ്റ്റ് മാത്രം ഉപയോഗിച്ചാണ് ആഡിയോ പ്ലെയർ 1 പേജിൽ ചേർക്കുവാനുള്ള കോഡ് ലഭ്യമാക്കിയിരുന്നത്. അതിനാൽ ശരിയായ വെബ്‍പേജിലല്ലാതെ പ്ലെയർ ദൃശ്യമായിരുന്നില്ല. ഇവിടെ ജാവസ്ക്രിപ്റ്റിനൊപ്പം, ഒരു ഓബ്ജക്ടായി എംബെഡ് കൂടി ചെയ്യുന്നതിനാൽ, ഫീഡുകളിലും പ്ലെയർ ലഭ്യമാവുമെന്നു കരുതുന്നു. ഈ പ്രശ്നം പരിഹരിക്കപ്പെട്ടിട്ടില്ല. :-(
• ഫയൽ ലോഡ് ചെയ്യാതെ, പ്ലേ ബട്ടൺ എനേബിൾഡ് ആവുന്നു. ഫയൽ സെർവ്വറിൽ നിന്നും ലഭ്യമല്ലാത്ത അവസരങ്ങളിൽ, ഫയൽ ടോട്ടൽ സൈസ് 0 MB എന്നു കണക്കാക്കുന്നതിനാലാണ് ഈ പ്രശ്നം ഉണ്ടായിരുന്നത്. ഫയൽ സെർവ്വറിൽ നിന്നും ലഭ്യമല്ലെങ്കിൽ ഇനിമുതൽ ഒരു മെസേജ് ദൃശ്യമാവുന്നതാണ്.

എങ്ങിനെ ഉപയോഗിക്കാം?
• പ്രൈവറ്റ് സെർവ്വറുകളിൽ - FTP യൂസർനെയിം/പാസ്‍വേഡ് ലഭ്യമാക്കുന്ന പ്രൈവറ്റ് സെർവ്വറുകളിൽ സൌണ്ട് ഫയൽ അപ്‍ലോഡ് ചെയ്തതിനു ശേഷം, യു.ആർ.എൽ. കോഡ് ജനറേറ്ററിൽ നൽകി, ആ ഫയൽ പ്ലേ ചെയ്യുവാനുള്ള പ്ലെയർ ലഭ്യമാക്കാവുന്നതാണ്. ഏറ്റവും ഫലപ്രദമായി ഉപയോഗിക്കുവാൻ ഈ മാർഗമാണ് അനുയോജ്യം. എന്നാൽ പ്രൈവറ്റ് സെർവ്വറുകൾക്ക് കുറഞ്ഞത് 1000 രൂപ(10 MB സ്പേസിന്)യെങ്കിലും മുടക്കേണ്ടിവരും എന്നുമാത്രം. താഴെക്കാണുന്ന പ്ലെയർ അപ്രകാരം പ്രവർത്തിക്കുന്നു.


• ഗൂഗിൾ ഗ്രൂപ്പ്സ് - ഗൂഗിൾ പേജസ് സർവ്വീസ് അവസാനിപ്പിച്ചതിനാലും, പകരമുള്ള ഗൂഗിൾ സൈറ്റ്സ് ഫയലുകൾ അപ്‍ലോഡ് ചെയ്ത ശേഷം, പുറത്തുനിന്ന് ഉപയോഗിക്കുവാൻ അനുവദിക്കാത്തതിനാലും; ഗൂഗിൾ ഗ്രൂപ്പ്സ് ഉപയോഗിക്കുക എന്നതാണ്, ആഡിയോ പ്ലെയർ പ്രയോജനപ്പെടുത്തുവാനുള്ള മറ്റൊരു മാർഗം. ഗൂഗിൾ ഗ്രൂപ്പ്സിലെത്തി, ഒരു പുതിയ ഗ്രൂപ്പ് തുടങ്ങുക. അത് എല്ലാവർക്കും കാണാവുന്ന രീതിയിലായിരിക്കണമെന്നത്(Public) പ്രത്യേകമോർക്കുക. ഗ്രുപ്പ് ഹോം പേജിന്റെ വലതുഭാഗത്തായി Files എന്നൊരു ടാബ് കാണാം. ഇതിൽ ക്ലിക്ക് ചെയ്ത് തുറന്നുവരുന്ന പേജിൽ ഫയൽ അപ്‍‍ലോഡ് ചെയ്യുവാനുള്ള ഓപ്ഷൻ ലഭ്യമായിരിക്കും. അപ്‍ലോഡ് ചെയ്തതിനു ശേഷം അതാത് ഫയലിൽ വലത് മൌസ് ബട്ടൺ അമർത്തി ലിങ്ക് കോപ്പി ചെയ്യുക. ലിങ്കിൽ മാറ്റമൊന്നും വരുത്താതെ കോഡ് ജനറേറ്ററിൽ നൽകി, പ്ലെയർ ലഭ്യമാക്കാവുന്നതാണ്. ഈ രീതിയിൽ പ്രവർത്തിക്കുന്ന പ്ലെയറാണ് താഴെക്കാണുന്നത്.

ശ്രദ്ധിക്കുക: ഗൂഗിൾ ഗ്രൂപ്പ്സിൽ ചേർത്തിരിക്കുന്ന ഫയലുകളുടെ സൈസ് ലഭ്യമാക്കുവാൻ സാധിക്കുന്നില്ല. അതിനാൽ കോഡ് ജനറേറ്ററിൽ നൽകുന്ന സൈസാവും പരിഗണിക്കുക. പൂർണ്ണമായും ലോഡ് ചെയ്യാതെ സീക്ക് ബാർ ശരിയായി പ്രവർത്തിക്കുകയില്ല.

• യാഹൂ ഗ്രൂപ്പ്സ് - ഗൂഗിൾ ഗ്രൂപ്പ്സിൽ ചെയ്തതുപോലെ, ഒരു പുതിയ ഗ്രൂപ്പ് തുടങ്ങുക. Web Features എനേബിൾ ചെയ്തിരിക്കണം. (ഗ്രൂപ്പ് തുടങ്ങുന്ന സമയത്ത് ഇവ എനേബിൾ ചെയ്യണമോ എന്നു ചോദിക്കുന്ന ഒരു പേജ് ദൃശ്യമാവുന്നതാണ്.) ഇടതുഭാഗത്തുള്ള ലിങ്കുകളിൽ Files തിരഞ്ഞെടുത്ത്, തുറന്നുവരുന്ന പേജിൽ വലത്-മുകളിൽ കാണുന്ന Add Files ലിങ്കിൽ ക്ലിക്ക് ചെയ്ത് സൌണ്ട് ഫയൽ കൂട്ടിച്ചേർക്കാവുന്നതാണ്. യാഹൂ ഗ്രൂപ്പിൽ ചേർക്കുന്ന ഫയലുകളുടെ സൈസ് കൃത്യമായി ലഭിക്കുന്നുണ്ട്. അതിനാൽ ഗൂഗിൾ ഗ്രൂപ്പ്സിനെ അപേക്ഷിച്ച്, യാഹൂ ഗ്രൂപ്പ്സാണ് ആഡിയോ പ്ലെയറിന് കൂടുതൽ അനുയോജ്യം. യാഹൂ ഗ്രൂപ്പിൽ ചേർത്തിരിക്കുന്ന സൌണ്ട് ഫയൽ പ്ലേ ചെയ്യുന്ന പ്ലെയറാണ് താഴെ.


കോഡ് ജനറേറ്റർ
• യു.ആർ.എൽ. - ചേർക്കുവാൻ ആഗ്രഹിക്കുന്ന സൌണ്ട് ഫയലിന്റെ പൂർണ്ണമായ യു.ആർ.എൽ. ഇവിടെ നൽകുക. ഉദാ: http://www.yourdomain.com/files/yoursong.mp3
• TITLE - സൌണ്ട് ഫയലിന്റെ പേര് ഇവിടെ ചേർക്കുക.
• ARTIST - ആർട്ടിസ്റ്റുകളുടെ പേര് ഇവിടെ നൽകാവുന്നതാണ്.
• FILE SIZE - ഫയലിന്റെ വലുപ്പം ഇവിടെ നൽകുക. സംഖ്യകൾ മാത്രം നൽകുവാൻ പ്രത്യേകം ശ്രദ്ധിക്കുക. പ്ലെയറിന് ഫയൽ സൈസ് സെർവ്വറിൽ നിന്നും ലഭ്യമാക്കുവാൻ സാധിക്കുന്നില്ലെങ്കിൽ മാത്രമേ ഇവിടെ നൽകുന്ന വില ഉപയോഗിക്കുകയുള്ളൂ.
• Display Download Link - സൌണ്ട് ഫയൽ ഡൌൺലോഡ് ചെയ്യുവാനുള്ള ഓപ്ഷൻ പ്ലെയറിൽ തന്നെ നൽകണമെന്നുണ്ടെങ്കിൽ, ഈ ചെക്ക്ബോക്സ് ടിക്ക് ചെയ്യുക.

ഇത്രയും നൽകിയശേഷം ‘തുടരുക’ എന്ന ബട്ടണിൽ മൌസമർത്തുക. പ്ലെയറിനായുള്ള കോഡ് തുടർന്ന് ലഭ്യമാവും. SELECT ALL എന്ന ബട്ടണിൽ അമർത്തി, കോഡ് പൂർണ്ണമായും സെലക്ട് ചെയ്തതിനു ശേഷം, നിങ്ങളുടെ പേജിലേക്ക് കോപ്പി-പേസ്റ്റ് ചെയ്യുക.

Post a Comment

Description: How to add sound files to your blog? Presenting Audio Player 2, a simple solution to add sound files to your blog. No registration, no user-account required. Just use your Google Account along with Google Pages service. Upload files to Google Pages and then generate your code using the Audio Player Code Generator. Add the player code in your blog post and you are done! Add Sound/Audio/MP3 Files, Audio Player 1, AudioPlayer 1, Odio/MOG/esnips Alternative, Sankethikam, Haree | ഹരീ, Hareesh N. Nampoothiri.
--

ഒരുപക്ഷെ, എന്നോട് ഏറ്റവും കൂടുതല്‍ പേര്‍ ചോദിച്ചിട്ടുള്ള ഒരു ചോദ്യമാണ്; “ബ്ലോഗറില്‍ എങ്ങിനെയാണ് ഒരു സൌണ്ട് ഫയല്‍ ചേര്‍ക്കുക?”. പലപ്പോഴും MOG, esnips, Odeo പോലെയുള്ള മറ്റ് സര്‍വ്വീസുകള്‍ ഉപയോഗിച്ചു ചെയ്യുവാനോ; അതല്ലെങ്കില്‍, MP3 ഫയലിനെ ഒരു FLV ഫയലാക്കി മാറ്റി യുട്യൂബില്‍ ചേര്‍ത്തതിനു ശേഷം, ബ്ലോഗറില്‍ വീഡിയോ ചേര്‍ക്കുവാനുള്ള ഓപ്‌ഷനുപയോഗിച്ച് FLV ചേര്‍ക്കുക എന്ന ഉപായമോ ആണ് പറഞ്ഞുകൊടുക്കാറുള്ളത്. ആദ്യത്തെ വഴിയില്‍ അതാത് സൈറ്റില്‍ പുതുതായി രജിസ്റ്റര്‍ ചെയ്ത ശേഷം സൌണ്ട് ഫയല്‍ അവരുടെ സെര്‍വ്വറില്‍ അപ്‌ലോഡ് ചെയ്യുകയും മറ്റും വേണം. രണ്ടാമത്തെ പോംവഴിയില്‍, MP3 ഫയലിനെ FLV-യാക്കി മാറ്റുക, യുട്യൂബില്‍ ചേര്‍ക്കുക തുടങ്ങിയ കടമ്പകളാണുള്ളത്. എളുപ്പത്തില്‍ നിങ്ങളുടെ ബ്ലോഗ് പോസ്റ്റില്‍ എങ്ങിനെ ശബ്ദലേഖനങ്ങള്‍ ചേര്‍ക്കാമെന്നതിനൊരു പോംവഴിയാണ് ‘ആഡിയോ പ്ലെയര്‍’. പരിഷ്കരിച്ച ‘ആഡിയോ പ്ലെയർ 2’ ഇവിടെ ലഭ്യമാണ്.

ആഡിയോ പ്ലെയറിന്റെ ഒന്നാം പതിപ്പാണ് ഇവിടെ പരിചയപ്പെടുത്തുന്നത്. വളരെ അത്യാവശ്യം വേണ്ട സാധ്യതകള്‍ മാത്രമാണ് ഇതില്‍ ലഭ്യമായിരിക്കുന്നത്. Play/Pause, Stop, Mute എന്നിവയാ‍ണവ. ഫയല്‍ എത്രമാത്രം ലോഡായി, എത്രഭാ‍ഗം പ്ലേ ചെയ്തു കഴിഞ്ഞു എന്നറിയുവാനുള്ള സാധ്യതയും ഇതിലുണ്ട്. സ്വന്തമായി സെര്‍വ്വര്‍ സ്പേസ് വാങ്ങിക്കുവാന്‍ സാധിക്കുന്നവര്‍ക്ക്, അവിടെ സൌണ്ട് ഫയലുകള്‍ (MP3 ആഡിയോ ഫയലുകളായി‍) ചേര്‍ത്ത ശേഷം യു.ആര്‍.എല്‍. താഴെക്കാണുന്ന കോഡ് ജനറേറ്ററില്‍ നല്‍കിയാല്‍ മതിയാവും. അങ്ങിനെ സെര്‍വ്വര്‍ സ്പേസ് സ്വന്തമായില്ലാത്തവരോ? അവര്‍ക്ക് ഗൂഗിൾ ഗ്രൂപ്പ്സ്, യാഹൂ ഗ്രൂപ്പ്സ് എന്നിവയെ ആശ്രയിക്കാവുന്നതാണ്.

• ഗൂഗിൾ ഗ്രൂപ്പ്സ് - ഗൂഗിൾ പേജസ് സർവ്വീസ് അവസാനിപ്പിച്ചതിനാലും, പകരമുള്ള ഗൂഗിൾ സൈറ്റ്സ് ഫയലുകൾ അപ്‍ലോഡ് ചെയ്ത ശേഷം, പുറത്തുനിന്ന് ഉപയോഗിക്കുവാൻ അനുവദിക്കാത്തതിനാലും; ഗൂഗിൾ ഗ്രൂപ്പ്സ് ഉപയോഗിക്കുക എന്നതാണ്, ആഡിയോ പ്ലെയർ പ്രയോജനപ്പെടുത്തുവാനുള്ള മറ്റൊരു മാർഗം. ഗൂഗിൾ ഗ്രൂപ്പ്സിലെത്തി, ഒരു പുതിയ ഗ്രൂപ്പ് തുടങ്ങുക. അത് എല്ലാവർക്കും കാണാവുന്ന രീതിയിലായിരിക്കണമെന്നത്(Public) പ്രത്യേകമോർക്കുക. ഗ്രുപ്പ് ഹോം പേജിന്റെ വലതുഭാഗത്തായി Files എന്നൊരു ടാബ് കാണാം. ഇതിൽ ക്ലിക്ക് ചെയ്ത് തുറന്നുവരുന്ന പേജിൽ ഫയൽ അപ്‍‍ലോഡ് ചെയ്യുവാനുള്ള ഓപ്ഷൻ ലഭ്യമായിരിക്കും. അപ്‍ലോഡ് ചെയ്തതിനു ശേഷം അതാത് ഫയലിൽ വലത് മൌസ് ബട്ടൺ അമർത്തി ലിങ്ക് കോപ്പി ചെയ്യുക. ലിങ്കിൽ മാറ്റമൊന്നും വരുത്താതെ കോഡ് ജനറേറ്ററിൽ നൽകി, പ്ലെയർ ലഭ്യമാക്കാവുന്നതാണ്. ഈ രീതിയിൽ പ്രവർത്തിക്കുന്ന പ്ലെയറാണ് താഴെക്കാണുന്നത്.

ശ്രദ്ധിക്കുക: ഗൂഗിൾ ഗ്രൂപ്പ്സിൽ ചേർത്തിരിക്കുന്ന ഫയലുകളുടെ സൈസ് ലഭ്യമാക്കുവാൻ സാധിക്കുന്നില്ല. അതിനാൽ സീക്ക് ബാർ ശരിയായി പ്രവർത്തിക്കുകയില്ല.

• യാഹൂ ഗ്രൂപ്പ്സ് - ഗൂഗിൾ ഗ്രൂപ്പ്സിൽ ചെയ്തതുപോലെ, ഒരു പുതിയ ഗ്രൂപ്പ് തുടങ്ങുക. Web Features എനേബിൾ ചെയ്തിരിക്കണം. (ഗ്രൂപ്പ് തുടങ്ങുന്ന സമയത്ത് ഇവ എനേബിൾ ചെയ്യണമോ എന്നു ചോദിക്കുന്ന ഒരു പേജ് ദൃശ്യമാവുന്നതാണ്.) ഇടതുഭാഗത്തുള്ള ലിങ്കുകളിൽ Files തിരഞ്ഞെടുത്ത്, തുറന്നുവരുന്ന പേജിൽ വലത്-മുകളിൽ കാണുന്ന Add Files ലിങ്കിൽ ക്ലിക്ക് ചെയ്ത് സൌണ്ട് ഫയൽ കൂട്ടിച്ചേർക്കാവുന്നതാണ്. യാഹൂ ഗ്രൂപ്പിൽ ചേർക്കുന്ന ഫയലുകളുടെ സൈസ് കൃത്യമായി ലഭിക്കുന്നുണ്ട്. അതിനാൽ ഗൂഗിൾ ഗ്രൂപ്പ്സിനെ അപേക്ഷിച്ച്, യാഹൂ ഗ്രൂപ്പ്സാണ് ആഡിയോ പ്ലെയറിന് കൂടുതൽ അനുയോജ്യം. യാഹൂ ഗ്രൂപ്പിൽ ചേർത്തിരിക്കുന്ന സൌണ്ട് ഫയൽ പ്ലേ ചെയ്യുന്ന പ്ലെയറാണ് താഴെ.


ശ്രദ്ധിക്കുക: ജാവ സ്ക്രിപ്റ്റ് ഉപയോഗിച്ചാണ് ആഡിയോ പ്ലെയര്‍ നിങ്ങളുടെ പോസ്റ്റിലേക്ക് ചേര്‍ക്കപ്പെടുക. അതിനാല്‍ ബ്ലോഗര്‍ എഡിറ്റ് വിന്‍ഡോയില്‍ ലഭ്യമായ Preview-വില്‍ പ്ലെയര്‍ കാണുവാന്‍ സാധിക്കുകയില്ല. എന്നാല്‍ പബ്ലിഷ് ചെയ്തതിനു ശേഷം, പോസ്റ്റ് ബ്രൌസറില്‍ തുറക്കുമ്പോള്‍ ആഡിയോ പ്ലെയര്‍ ലോഡാവുന്നതാണ്. (ബ്രൌസറില്‍ ജാവ സ്ക്രിപ്റ്റുകള്‍ റണ്‍ ചെയ്യുന്നത് അനുവദിച്ചിരിക്കണമെന്നു മാത്രം.)



മുകളിൽ ഉപയോഗിച്ചിരിക്കുന്ന കീര്‍ത്തനത്തിന്റെ പൂര്‍ണ്ണരൂപം ഇവിടെ ലഭ്യമാണ്.

Post a Comment

Description: How to add sound files to your blog? Presenting Audio Player 1, a simple solution to add sound files to your blog. No registration, no user-account required. Just use your Google Account along with Google Pages service. Upload files to Google Pages and then generate your code using the Audio Player Code Generator. Add the player code in your blog post and you are done! Add Sound/Audio/MP3 Files, Audio Player 1, AudioPlayer 1, Odio/MOG/esnips Alternative, Sankethikam, Haree | ഹരീ, Hareesh N. Nampoothiri.
--

‘മലയാളം ഫോണ്ട് വിഡ്‌ജറ്റ്’ എന്ന പോസ്റ്റോടു കൂടിയായിരുന്നു ‘സാങ്കേതികം’ എന്ന ബ്ലോഗിന്റെ തുടക്കം. മലയാളം ബ്ലോഗുകള്‍ തുറക്കുന്ന കമ്പ്യൂട്ടറുകളില്‍, മലയാളം യൂണിക്കോഡ് ഫോണ്ടുകള്‍ ലഭ്യമാണോ അല്ലയോ എന്ന് കണ്ടെത്തി, ഫോണ്ടുകള്‍ ലഭ്യമല്ലെങ്കില്‍ ആ വിവരവും, കൂടുതല്‍ സഹായം ഉള്‍ക്കൊള്ളുന്ന പേജ് ലിങ്കുകളും ദൃശ്യമാക്കുക എന്നതായിരുന്നു ഈ വിഡ്‌‌‌ജറ്റിന്റെ സാധ്യത. ഇതേ ഉപയോഗത്തിനു തന്നെ, എന്നാല്‍ കൂടുതല്‍ സാധ്യതകള്‍ ഉള്‍ക്കൊള്ളിച്ച പുതിയ പതിപ്പിനെയാണ് ഈ പോസ്റ്റില്‍ പരിചയപ്പെടുത്തുന്നത്.

നാലു ടാബുകളിലായാണ് ഈ വിഡ്‌ജറ്റിന്റെ സാധ്യതകള്‍ ചേര്‍ത്തിരിക്കുന്നത്. വലത്തു നിന്നും യഥാക്രമം Clock, Search, Fonts, Help എന്നിവയാണ് ആ ടാബുകള്‍.
Clock: ബ്ലോഗ് തുറന്നിരിക്കുന്ന കമ്പ്യൂട്ടറില്‍ സെറ്റ് ചെയ്തിരിക്കുന്ന സമയം അനലോഗ് ക്ലോക്കിന്റെ രൂപത്തില്‍ ദൃശ്യമാക്കുകയാണിവിടെ. കൂട്ടത്തില്‍ തീയതി, ദിവസം, മാസം, വര്‍ഷം എന്നിവയും ദൃശ്യമാക്കുന്നു.
Search: ബ്ലോഗ് സേര്‍ച്ച് ചെയ്യുവാനുള്ള സാധ്യതയാണ് ഈ ടാബില്‍ ഉള്‍പ്പെടുത്തിയിരിക്കുന്നത്.
Fonts: ബ്ലോഗ് തുറന്നിരിക്കുന്ന കമ്പ്യൂട്ടറില്‍; ഇന്‍സ്റ്റാള്‍ ചെയ്യപ്പെട്ടിട്ടുള്ളതും, ഇല്ലാത്തവയുമായ മലയാളം യൂണിക്കോഡ് ഫോണ്ടുകളെക്കുറിച്ചുള്ള വിവരങ്ങളാണ് ഇവിടെ. Anjali Old Lipi, Arial Unicode MS, Kartika, Meera, Rachana, Thoolika എന്നിവയെയാണ് സിസ്റ്റത്തില്‍ ഈ വിഡ്‌ജറ്റ് തിരയുക.
Help: ബ്ലോഗുകളില്‍ മലയാളം വായിക്കുവാനും, എഴുതുവാനുമുള്ള സാങ്കേതിക സഹായം ലഭ്യമായ പേജിലേക്കുള്ള ലിങ്കുകളാണ് ഇവിടെ നല്‍കിയിരിക്കുന്നത്. ഇതുകൂടാതെ Blogger Malayalam എന്നെഴുതിയിരിക്കുന്ന ഭാഗത്ത് മൌസമര്‍ത്തിയാല്‍, നല്‍കിയിരിക്കുന്ന പ്രൊഫൈല്‍ ലിങ്കിലേക്ക് പോകുവാനും സാധിക്കും.

ഓരോ ബ്ലോഗിനും പ്രത്യേകം കോഡ് ജനറേറ്റ് ചെയ്യേണ്ടതുണ്ട്. താഴെ നല്‍കിയിരിക്കുന്ന കോഡ് ജനറേറ്റര്‍ അതിനായി ഉപയോഗിക്കാവുന്നതാണ്.


ബ്ലോഗിന്റെ യു.ആര്‍.എല്‍. എന്ന ടെക്സ്റ്റ് ബോക്സില്‍, ഫോണ്ട് വിഡ്‌ജറ്റ് ഉപയോഗിക്കുവാന്‍ ഉദ്ദേശിക്കുന്ന ബ്ലോഗിന്റെ പൂര്‍ണ്ണമായ യു.ആര്‍.എല്‍. ആണ് നല്‍കേണ്ടത്.
ഉദാ: http://grahanam.blogspot.com/

പ്രൊഫൈല്‍ യു.ആര്‍.എല്‍. എന്ന ടെക്സ്റ്റ് ബോക്സില്‍ ബ്ലോഗറില്‍ നിങ്ങള്‍ക്കു ലഭ്യമായ പ്രൊഫൈല്‍ പേജിന്റെ പൂര്‍ണ്ണമായ യു.ആര്‍.എല്‍. നല്‍കുക.
ഉദാ: http://www.blogger.com/profile/08860330007453208252

ബ്ലോഗിനു പുറത്തേക്കുള്ള ലിങ്കുകള്‍, പ്രൊഫൈല്‍ പേജിലേക്കുള്ള ലിങ്ക് എന്നിവ ബ്രൌസറില്‍ അതേ പേജിലാണോ, അതോ പുതിയ പേജിലാണോ തുറക്കേണ്ടതെന്ന് പ്രത്യേകം നല്‍കാവുന്നതാ‍ണ്. ലഭ്യമായ നാലു ടാ‍ബുകളില്‍ ഡിഫോള്‍ട്ടായി ഏത് ഉപയോഗിക്കണമെന്ന് നിര്‍ണ്ണയിക്കുവാനുള്ള സാധ്യതയും ലഭ്യമാണ്.

വിഡ്‌ജറ്റ് തിരയുന്ന യൂണിക്കോഡ് ഫോണ്ടുകളില്‍ ഒന്നുപോലും സിസ്റ്റത്തില്‍ ലഭ്യമല്ലാത്ത അവസരങ്ങളില്‍ മാത്രം, ബ്ലോഗ് ഉടമ സെലക്ട് ചെയ്തിരിക്കുന്ന ടാബിനു പകരം, ഫോണ്ട് ഇന്‍സ്റ്റാള്‍ ചെയ്യുവാനുള്ള അറിയിപ്പു നല്‍കുന്ന ഒരു ഡയലോഗാവും (ചിത്രം ശ്രദ്ധിക്കുക) ദൃശ്യമാവുക. അവിടെ എങ്ങിനെ ഇ-മലയാളം വായന സാധ്യമാക്കാം എന്നതിനെക്കുറിച്ചുള്ള കൂടുതല്‍ വിവരങ്ങളടങ്ങുന്ന പേജിലേക്കുള്ള ലിങ്കും ലഭ്യമായിരിക്കും.‘


എങ്ങിനെ ഇത് ഒരു ബ്ലോഗില്‍ പ്രയോജനപ്പെടുത്താം?
ഇത് നിങ്ങളുടെ ബ്ലോഗില്‍ ഉപയോഗിക്കുവാന്‍ വളരെയെളുപ്പമാണ്. ഉപയോഗിക്കേണ്ട ബ്ലോഗിന്റെ ഡാഷ്‌ബോര്‍ഡില്‍ നിന്നും Layout > Page Elements സെലക്ട് ചെയ്യുക. ഉപയോഗിക്കുവാന്‍ താത്പര്യമുള്ള ഭാഗത്തുള്ള Add a Page Element ഓപ്ഷനില്‍ ക്ലിക്ക് ചെയ്യുക. തുറന്നുവരുന്ന വിന്‍ഡോയില്‍ HTML/JavaScript എന്ന ഐറ്റം സെലക്ട് ചെയ്യുക. ഇവിടെ നേരത്തേ കോഡ് ജനറേറ്ററില്‍ നിന്നും ലഭിച്ച കോഡ് കോപ്പി-പേസ്റ്റ് ചെയ്യുക. Save Changes എന്ന ബട്ടണ്‍ അമര്‍ത്തി വിഡ്‌ജറ്റ് സേവ് ചെയ്യുക. ഇപ്പോള്‍ ഇത് നിങ്ങളുടെ ബ്ലോഗില്‍ ചേര്‍ക്കപ്പെട്ടിട്ടുണ്ടാവണം.

ചില ബ്ലോഗര്‍ ടെമ്പ്ലേറ്റുകളില്‍ വിഡ്‌ജറ്റിന്റെ വലുപ്പം അധികമായിരിക്കും. ലഭ്യമാവുന്ന കോഡില്‍ width, height എന്നീ വേരിയബിളുകളുടെ വില വ്യത്യാസപ്പെടുത്തി വലുപ്പം ക്രമീകരിക്കാമെങ്കിലും, ഒരുപക്ഷെ വിഡ്‌ജറ്റിലടങ്ങിയിരിക്കുന്ന കണ്ടന്റ് വായിക്കുവാന്‍ പ്രയാസം അനുഭവപ്പെട്ടുവെന്നു വരാം.

വേര്‍ഷന്‍ ഹിസ്റ്ററി
B (March 18, 2008)
• തുടക്കം.
• അനലോഗ് ക്ലോക്ക്, സേര്‍ച്ച്, ഫോണ്ട്, ഹെല്‍പ്പ് ടാബുകള്‍.
• പരിശോധിക്കുന്ന ഫോണ്ടുകള്‍: അഞ്ജലി ഓള്‍ഡ് ലിപി, ഏരിയല്‍ യൂണിക്കോഡ് എം.എസ്, കാര്‍ത്തിക, രചന, തൂലിക.
• പ്രൊഫൈല്‍ ലിങ്ക് നല്‍കുവാനുള്ള സാധ്യത.

B.a (March 20, 2008)
• പരിശോധിക്കുന്ന ഫോണ്ടുകള്‍: അഞ്ജലി ഓള്‍ഡ് ലിപി, ഏരിയല്‍ യൂണിക്കോഡ് എം.എസ്, മീര, കാര്‍ത്തിക, രചന, തൂലിക.
• ബ്ലോഗിന്റെ ബാക്ക്‍ഗ്രൌണ്ട് നിറം തന്നെ കൂടുതല്‍ കാണുന്ന രീതിയില്‍ വിഡ്‌ജറ്റിലെ നിറങ്ങള്‍ ക്രമീകരിച്ചു.

Post a Comment

Description: Font Widget Version B - A Blogger Widget (Utility) to detect Malayalam Unicode Fonts installed in a Windows machine. If fonts are not available, the widget will display an error message. If fonts are available, the blog owner may set it to display either an Analog Clock, Search Options, Fonts Available or Help.
--

ബ്ലോഗറില്‍ ലഭ്യമായ പ്രൊഫൈല്‍ വിഡ്‌ജറ്റിന്റെ ഒരു ഫ്ലാഷ് വേര്‍ഷനാണിത്. എന്നാലിത് കൂടുതല്‍ ഉപയോഗപ്രദമാണ്, കൂടുതല്‍ സാധ്യതകളും ഇതിനുണ്ട്. നിങ്ങളുടെ ചിത്രം, ഓര്‍ക്കുട്ട്/ബ്ലോഗര്‍ പ്രൊഫൈലുകള്‍, പിക്കാ‍സ ആല്‍‌ബം, യാഹൂ ചാറ്റ് സ്റ്റാറ്റസ് എന്നിവയും ഈ വിഡ്‌ജറ്റ് ദൃശ്യമാക്കും. കൂടാതെ നിങ്ങള്‍ക്ക് നിങ്ങളുടെ ബ്ലോഗുകള്‍ അല്ലെങ്കില്‍ തിരഞ്ഞെടുത്ത ബ്ലോഗുകളുടെ ഒരു ലിസ്റ്റും ആവശ്യമുള്ള തലക്കെട്ട് നല്‍കി ഇതില്‍ തന്നെ ദൃശ്യമാക്കുവാന്‍ കഴിയും. ആവശ്യമുള്ള ഓപ്ഷനുകള്‍ മാത്രം തിരഞ്ഞെടുക്കാവുന്നതാണ്, ഓരോന്നിനും ഇഷ്ടമുള്ള തലക്കെട്ട് നല്‍കുവാനും സാധിക്കും. ധാരാളം വേരിയബിളുകള്‍ സെറ്റ് ചെയ്യേണ്ടതിനാല്‍, നിങ്ങളുടെ ആവശ്യങ്ങള്‍ക്കനുസരിച്ചുള്ള കോഡ് ലഭ്യമാക്കുവാനുള്ള ഒരു കോഡ് ജനറേറ്ററും നല്‍കിയിരിക്കുന്നു.



മുകളില്‍ തന്നിരിക്കുന്നതാണ് പ്രൊഫൈല്‍ വിഡ്‌ജറ്റ് കോഡ് ജനറേറ്റര്‍.

പ്രാഥമിക വിവരങ്ങള്‍
1. പേര്: ഇവിടെ നിങ്ങളുടെ പേര് നല്‍കാവുന്നതാണ്. മലയാളം ഫോണ്ട് എംബഡ് ചെയ്തിട്ടുള്ളതിനാല്‍, മലയാളത്തിലും പേരു നല്‍കാം. പക്ഷെ, നേരിട്ട് ടൈപ്പ് ചെയ്യുവാന്‍ സാധിക്കുകയില്ല. ഇളമൊഴിയോ മറ്റോ ഉപയോഗിച്ച് ടൈപ്പ് ചെയ്ത ശേഷം അതിവിടേക്ക് കോപ്പി പേസ്റ്റ് ചെയ്താല്‍ മതിയാവും. URL ഫീല്‍ഡുകള്‍ ഒഴികെ എല്ലായിടവും ഈ രീതിയില്‍ മലയാളം എന്റര്‍ ചെയ്യാവാന്‍‍ സാധിക്കുന്നതാണ്. (പക്ഷെ വിഡ്ജറ്റില്‍ അത് എല്ലായ്‌പ്പോഴും ശരിയായി കാണിക്കണമെന്നില്ല. അനാവശ്യമായി സ്പേസ് അക്ഷരങ്ങള്‍ക്കിടയില്‍ വരുന്നുണ്ട്.)
2. ചിത്രം: ഇവിടെ നിങ്ങളുടെ പ്രൊഫൈല്‍ ചിത്രത്തിന്റെ URL അഡ്രസ് ആണ് നല്‍കേണ്ടത്. http:// കൂട്ടിച്ചേര്‍ത്തുള്ള പൂര്‍ണ്ണമായ അഡ്രസ് നല്‍കുക. സ്വന്തമായി സെര്‍വര്‍ സ്പേസ് ഇല്ലാത്തവര്‍ ബ്ലോഗിലെ ഒരു പോസ്റ്റില്‍ ആവശ്യമുള്ള ചിത്രം അപ്‌ലോഡ് ചെയ്ത്, Edit Html എന്ന ടാബില്‍ ക്ലിക്ക് ചെയ്ത്, ചിത്രത്തിന്റെ URL ഇതിനായി ഉപയോഗിക്കാവുന്നതാണ്. ബ്ലോഗര്‍ - പിക്കാസ എന്നിവ ലിങ്ക് ചെയ്തിരിക്കുന്നതിനാല്‍, ഈ പോസ്റ്റ് സേവ് ചെയ്തില്ലായെങ്കിലും ചിത്രം ഡിലീറ്റാവില്ല. നിങ്ങളുടെ പിക്കാസ അക്കൌണ്ടില്‍, നിങ്ങളുടെ ബ്ലോഗിന്റെ പേരിലുള്ള ഒരു Unlisted ആല്‍ബത്തില്‍ ഈ ചിത്രം സേവ് ചെയ്യപ്പെടുന്നതിനാലാണ് ഇതു സാധ്യമാവുന്നത്.
3. തലക്കെട്ട്: ഈ വിഡ്‌ജറ്റ് ഉപയോഗിച്ചിരിക്കുന്നത് എന്റെ ഗ്രഹണം എന്ന ബ്ലോഗില്‍ കാണാവുന്നതാണ്. വിഡ്‌ജറ്റില്‍ My Blogs എന്നെഴുതിയിരിക്കുന്നതാണ് ഇവിടെ തലക്കെട്ട് എന്നതുകൊണ്ട് ഉദ്ദേശിക്കുന്നത്. നിങ്ങള്‍ക്കിഷ്ടമുള്ള ഒരു തലക്കെട്ട് ഇവിടെ നല്‍കാവുന്നതാണ്.

പ്രധാന ലിങ്കുകള്
ആദ്യമായി ബ്ലോഗര്‍ പ്രൊഫൈല്‍, പിക്കാസ ആല്‍ബം, ഓര്‍ക്കുട്ട് പ്രൊഫൈല്‍, യാഹൂ സ്റ്റാറ്റസ് എന്നിവയില്‍ വിഡ്‌ജറ്റില്‍ ദൃശ്യമാവേണ്ടവയെ സൂചിപ്പിക്കുന്ന ചെക്ക് ബോക്സ് മാത്രം ടിക്ക് ചെയ്യുക.
1. ബ്ലോഗര്‍ പ്രൊഫൈല്‍: നിങ്ങളുടെ ബ്ലോഗര്‍ പ്രൊഫൈല്‍ URL, ലിങ്ക് എന്ന ടെക്സ്റ്റ് ബോക്സില്‍ എന്റര്‍ ചെയ്യുക. ആവശ്യമുള്ള തലക്കെട്ടും നല്‍കുക.
2. പിക്കാസ ആല്‍ബം: പിക്കാസ ആല്‍ബം നിങ്ങള്‍ക്കുണ്ടെങ്കില്‍, ആല്‍ബത്തിലേക്കുള്ള ലിങ്കും, ഒരു തലക്കെട്ടും നല്‍കുക. ഇത് ഫ്ലിക്കര്‍ ആല്‍ബവുമാവാം, പക്ഷെ ഐക്കണ്‍ മാറില്ല എന്നുമാത്രം.
3. ഓര്‍ക്കുട്ട് പ്രൊഫൈല്‍: ഓര്‍ക്കുട്ടും ബ്ലോഗറും തമ്മില്‍ ഇന്റഗ്രേഷന്‍ ഇപ്പോള്‍ സാധ്യമാണ്. നിങ്ങളുടെ ബ്ലോഗുകള്‍ പ്രൊഫൈല്‍ പേജില്‍ ഫീഡുകളായി ചേര്‍ക്കാവുന്നതാണ്. ബ്ലോഗുകളില്‍ നിന്നും ഓര്‍ക്കുട്ട് പ്രൊഫൈലിലേക്ക് ലിങ്ക് ചെയ്യുന്നത്, എളുപ്പത്തില്‍ സംവേദനം സാധ്യമാക്കും. പ്രൊഫൈല്‍ ലിങ്കും, ആവശ്യമുള്ള തലക്കെട്ടും നല്‍കുക.
4. യാഹൂ സ്റ്റാറ്റസ്: യാഹൂ മെസഞ്ചറില്‍ നിങ്ങള്‍ ഓണ്‍‌ലൈനാണോ ഓഫ്‌ലൈനാണോ എന്ന് ഇവിടെ നോക്കിയാല്‍ പ്രേക്ഷകന് കാണുവാന്‍ സാധിക്കും. പ്രേക്ഷകന്‍ ഉപയോഗിക്കുന്ന കമ്പ്യൂട്ടറില്‍ യാഹൂ മെസഞ്ചര്‍ ഇന്‍സ്റ്റാള്‍ ചെയ്തിട്ടുണ്ട്ങ്കില്‍, ഇവിടെ മൌസമര്‍ത്തി ചാറ്റ് ആരംഭിക്കുവാനും കഴിയും. ഇവിടെ നിങ്ങളുടെ യൂസര്‍ നെയിമാണ് നല്‍കേണ്ടതെന്ന് ഓര്‍ക്കുക. yourname@yahoo.com എന്നാണ് നിങ്ങളുടെ യാഹൂ അഡ്രസെങ്കില്‍ yourname എന്നഭാഗം മാത്രം ഇവിടെ നല്‍കിയാല്‍ മതിയാവും. ആവശ്യമുള്ള തലക്കെട്ടും നല്‍കുക.

ഇത്രയും നല്‍കിക്കഴിഞ്ഞാല്‍ ‘തുടരുക’ എന്ന ബട്ടണ്‍ അമര്‍ത്തി അടുത്ത ഘട്ടത്തിലേക്ക് പോകാവുന്നതാണ്.
ബ്ലോഗ് ലിങ്കുകള്‍:
ഇവിടെയാണ് നിങ്ങളുടെ മറ്റ് ബ്ലോഗുകളുടെ ലിങ്ക് നല്‍കേണ്ടത്. പത്ത് ബ്ലോഗുകള്‍ എന്റര്‍ ചെയ്യുവാനുള്ള ഓപ്ഷന്‍ ലഭ്യമാണ്. ഓരോ ലിങ്കിനേയും സൂചിപ്പിക്കുന്ന ചെക്ക് ബോക്സ് സെലക്ട് ചെയ്തതിനു ശേഷം, ഓരോന്നിന്റേയും പേരും ലിങ്കും നല്‍കുക.‍ ഇവിടെ പേരും ലിങ്കും നല്‍കുമ്പോള്‍ വിട്ടുവിട്ട് നല്‍കാതിരിക്കുവാന്‍ ശ്രദ്ധിക്കുക. അതായത് 1 നല്‍കി, 2 നല്‍കാതെ 3 നല്‍കുക. ഈ രീതിയില്‍ എന്റര്‍ ചെയ്താല്‍, കോഡ് ശരിയായി പ്രവര്‍ത്തിക്കില്ല. അതുപോലെ നാലു ബ്ലോഗുകളേ നല്‍കുന്നുള്ളൂവെങ്കില്‍ വി‌ഡ്‌ജറ്റിലെ സ്ക്രോള്‍ ബട്ടണുകള് ഉപയോഗിക്കുവാന്‍ കഴിയുകയില്ല. അഞ്ച് അല്ലെങ്കില്‍ അതില്‍ കൂടുതല്‍ ബ്ലോഗുകള്‍ ഇതിന് ആവശ്യമുണ്ട്.

വിഡ്‌ജറ്റ് ബ്ലോഗില്‍ ചേര്‍ക്കുവാന്‍:
ആവശ്യമുള്ള ബ്ലോഗ് ലിങ്കുകള്‍ സെലക്ട് ചെയ്ത്, ‘തുടരുക’ എന്ന ബട്ടണ്‍ അമര്‍ത്തിയാല്‍ നിങ്ങള്‍ക്കാവശ്യമുള്ള കോഡ് ദൃശ്യമാവും. കോഡിനുള്ളില്‍ എവിടെയെങ്കിലും മൌസ് ക്ലിക്ക് ചെയ്ത്, Alt + A കീ ബോര്‍ഡിലമര്‍ത്തി മുഴുവനായി സെലക്ട് ചെയ്ത്, വീണ്ടും കീ ബോര്‍ഡില്‍ Ctrl + C അമര്‍ത്തി കോഡ് മുഴുവനായും കോപ്പി ചെയ്യുക. ഇനിയും ഈ വിഡ്‌ജറ്റ് ചേര്‍ക്കേണ്ട ബ്ലോഗിന്റെ ഡാഷ്‌ബോര്‍ഡില്‍ നിന്നും Settings > Template സെലക്ട് ചെയ്യുക. ഉപയോഗിക്കുവാന്‍ താത്പര്യമുള്ള ഭാഗത്തുള്ള Add a Page Element ഓപ്ഷനില്‍ ക്ലിക്ക് ചെയ്യുക. തുറന്നുവരുന്ന വിന്‍ഡോയില്‍ HTML/JavaScript എന്ന ഐറ്റം സെലക്ട് ചെയ്യുക. അവിടെ കോപ്പി ചെയ്ത കോഡ് പേസ്റ്റ് ചെയ്യുക.ശേഷം Save Changes അമര്‍ത്തുക. ഇപ്പോള്‍ ഈ വിഡ്‌ജറ്റ് നിങ്ങളുടെ ബ്ലോഗില്‍ ചേര്‍ക്കപ്പെട്ടുകഴിഞ്ഞു. മുകളില്‍ ലഭ്യമായ View Blog ലിങ്ക് ഉപയോഗിച്ച് ബ്ലോഗിന്റെ പൂമുഖത്തെത്താവുന്നതാണ്.

കോഡ് കോപ്പി ചെയ്ത ശേഷം, സാങ്കേതികത്തിലെ പേജില്‍ നിന്നും പോവാതിരിക്കുവാന്‍ ശ്രദ്ധിക്കുക. ബ്ലോഗില്‍ ചേര്‍ത്തതിനു ശേഷം മാറ്റങ്ങള്‍ ആവശ്യമെങ്കില്‍ കോഡ് ജനറേറ്ററില്‍ ലഭ്യമായ ‘മടങ്ങുക’ എന്ന ബട്ടണ്‍ ഉപയോഗിക്കാവുന്നതാണ്. മാറ്റം വരുത്തിയ കോഡ് പിന്നെയും HTML/JavaScript ഐറ്റം എഡിറ്റ് ചെയ്ത് നല്‍കണമെന്നു മാത്രം. മലയാളം ഫോണ്ട് വി‌ഡ്‌ജറ്റ് അല്ലെങ്കില്‍ മറ്റേതെങ്കിലും HTML/JavaScript വിഡ്‌ജറ്റ് ഉപയോഗിക്കുന്നെങ്കില്‍ അതേ വിന്‍ഡോയില്‍ തന്നെ ഈ കോഡ് ചേര്‍ത്താലും മതിയാവും.

കുറിപ്പ്: വിഡ്‌ജറ്റിലോ, കോഡ് ജനറേറ്ററിലോ എന്തെങ്കിലും പ്രശ്നങ്ങള്‍ ഉണ്ടെങ്കില്‍ ഇവിടെ കമന്റായി ചൂണ്ടിക്കാട്ടുവാന്‍ അഭ്യര്‍ത്ഥിക്കുന്നു.
--

Post a Comment

Keywords: Blogger, Widget, Profile, Links, Yahoo! Messenger Status, My Blogs, Blogger, Orkut, Picasa Album, Flash
--

പ്രധാനമായും ഉപയോഗിക്കുന്ന AnjaliOldLipi, Arial Unicode MS, Kartika, Rachana, Thoolika എന്നീ ഫോണ്ടുകള്‍, ബ്ലോഗ് തുറക്കുന്ന കമ്പ്യൂട്ടറില്‍ ലഭ്യമാണോ എന്ന് പരിശോധിക്കുകയാണ് ഇത് ചെയ്യുക. എന്നാല്‍ ഒരിക്കല്‍ ഫോണ്ട് ഇന്‍സ്റ്റാള്‍ ചെയ്തു കഴിഞ്ഞാല്‍ പിന്നെ, ഈ വിഡ്‌ജറ്റ് ആ വായനക്കാരനെ സംബന്ധിച്ചിടത്തോളം ഉപയോഗശൂന്യമാവില്ലേ? ഇല്ല, അതാത് ബ്ലോഗ് സേര്‍ച്ച് ചെയ്യുവാന്‍ ഉപയോഗിക്കാവുന്ന ഒരു സേര്‍ച്ച് ടൂളായിട്ടാവും ഫോണ്ട് ലഭ്യമായ കമ്പ്യൂട്ടറുകളില്‍ ഇത് കാണുക. കൂട്ടത്തില്‍ അപ്പോഴത്തെ സിസ്റ്റം ടൈമും ദൃശ്യമാക്കും.

എങ്ങിനെ ഇത് ഒരു ബ്ലോഗില്‍ പ്രയോജനപ്പെടുത്താം?
ഇത് നിങ്ങളുടെ ബ്ലോഗില്‍ ഉപയോഗിക്കുവാന്‍ വളരെയെളുപ്പമാണ്. ഉപയോഗിക്കേണ്ട ബ്ലോഗിന്റെ ഡാഷ്‌ബോര്‍ഡില്‍ നിന്നും Settings > Template സെലക്ട് ചെയ്യുക. ഉപയോഗിക്കുവാന്‍ താത്പര്യമുള്ള ഭാഗത്തുള്ള Add a Page Element ഓപ്ഷനില്‍ ക്ലിക്ക് ചെയ്യുക. തുറന്നുവരുന്ന വിന്‍ഡോയില്‍ HTML/JavaScript എന്ന ഐറ്റം സെലക്ട് ചെയ്യുക. അവിടെ താഴെക്കാണുന്ന കോഡ് കോപ്പി-പേസ്റ്റ് ചെയ്യുക.
<object classid="clsid:d27cdb6e-ae6d-11cf-96b8-444553540000" id="font_detect" width="215" codebase="http://download.macromedia.com/pub/shockwave/cabs/flash/swflash.cab#version=6,0,0,0" name="font_detect" height="150" align="middle"><param value="sameDomain" name="allowScriptAccess"><param value="false" name="allowFullScreen"><param value="http://www.newnmedia.com/blogs/sankethikam/movies/font_detect.swf?myURL=http://sankethikam.blogspot.com/&my_image=1" name="movie"><param value="false" name="menu"><param value="high" name="quality"><param value="noscale" name="scale"><param value="transparent" name="wmode"><param value="#ffffff" name="bgcolor"><embed menu="false" pluginspage="http://www.macromedia.com/go/getflashplayer" quality="high" allowscriptaccess="sameDomain" align="middle" src="http://www.newnmedia.com/blogs/sankethikam/movies/font_detect.swf?myURL=http://sankethikam.blogspot.com/&my_image=1" type="application/x-shockwave-flash" height="150" bgcolor="#ffffff" allowfullscreen="false" width="215" wmode="transparent" scale="noscale" name="font_detect"></embed></object>

കോഡില്‍ രണ്ടിടത്ത് SWF മൂവിയുടെ ലൊക്കേഷന്‍ താഴെക്കാണുന്ന രീതിയില്‍ നല്‍കിയിരിക്കും.
http://www.newnmedia.com/blogs/sankethikam/movies/font_detect.swf?myURL=http://sankethikam.blogspot.com/

myURL എന്ന വേരിയബിളില്‍ നല്‍കിയിരിക്കുന്ന ഇപ്പോഴത്തെ ബ്ലോഗ് അഡ്രസ് ഒഴിവാക്കി നിങ്ങളുടെ ബ്ലോഗിന്റെ അഡ്രസ് നല്‍കുക. ഈ രീതിയില്‍ രണ്ടിടത്ത് അഡ്രസ് വ്യത്യാസപ്പെടുത്തേണ്ടതുണ്ട്. അഡ്രസ് വ്യത്യാസപ്പെടുത്തി നല്‍കിയതിനു ശേഷം Save Changes അമര്‍ത്തുക. ഇപ്പോള്‍ ഈ വിഡ്‌ജറ്റ് നിങ്ങളുടെ ബ്ലോഗില്‍ ചേര്‍ക്കപ്പെട്ടുകഴിഞ്ഞു. മുകളില്‍ ലഭ്യമായ View Blog ലിങ്ക് ഉപയോഗിച്ച് ബ്ലോഗിന്റെ പൂമുഖത്തെത്താവുന്നതാണ്.

വിഡ്‌ജറ്റിന്റെ ബാക്ക്ഗ്രൌണ്ട് വ്യത്യാസപ്പെടുത്തുവാനുള്ള ഓപ്ഷനും ലഭ്യമാണ്. അതിനായി താഴെക്കാണുന്ന രീതിയിലാവണം മൂവിയുടെ ലൊക്കേഷന്‍ അഡ്രസ് നല്‍കേണ്ടത്.
http://www.newnmedia.com/blogs/sankethikam/movies/font_detect.swf?myURL=http://sankethikam.blogspot.com/&my_image=1
ലൊക്കേഷന്റെ ഒടുവിലുള്ള &my_image=1 എന്ന വേരിയബിള്‍ ശ്രദ്ധിക്കുക. ഇവിടെ 1, 2, ..., 5 വരെ നല്‍കിയാല്‍ വ്യത്യസ്ത ബാക്ക്ഗ്രൌണ്ടുകള്‍ ദൃശ്യമാവും. ഇതല്ലാതെ ഏതെങ്കിലുമൊരു ചിത്രത്തിന്റെ പൂര്‍ണ്ണമായ യു.ആര്‍.എല്‍ നല്‍കി, ആ ചിത്രവും വിഡ്‌ജറ്റിന്റെ ബാക്ക്ഗ്രൌണ്ടായി ഉപയോഗിക്കാവുന്നതാണ്. ഈ വേരിയബിള്‍ സെറ്റ് ചെയ്യുന്നില്ലായെങ്കില്‍, ഡിഫോള്‍ട്ടായുള്ള ഗ്രേഡിയന്റ് തന്നെയാവും ദൃശ്യമാവുക. ഏതു വലുപ്പത്തിലുള്ള ചിത്രവും ഇതിനായി ഉപയോഗിക്കാമെങ്കിലും 215 X 150 പിക്സലോ അതില്‍ കൂടുതലോ വലുപ്പമുള്ള ചിത്രങ്ങളുപയോഗിക്കുന്നതാവും ഉചിതം.

വേര്‍‌ഡ്പ്രസിനു വേണ്ടിയും ഈ വിഡ്‌ജറ്റ് ലഭ്യമാണ്. പക്ഷെ, പൈസകൊടുത്ത് അപ്ഡേറ്റ് ചെയ്താല്‍ മാത്രമേ ഫ്ലാഷ് വിഡ്‌ജറ്റുകള്‍ അവിടെ ഉപയോഗിക്കുവാന്‍ കഴിയുകയുള്ളൂ എന്നുതോന്നുന്നു. അങ്ങിനെ കഴിയുന്നവര്‍ font_detect.swf എന്ന ഫയലിനു പകരമായി അതേ ലൊക്കേഷനില്‍ തന്നെ ലഭ്യമായ word_font_detect.swf എന്ന ഫയല്‍ ഉപയോഗിച്ചാല്‍ മതിയാവും.

വേര്‍ഷന്‍ ഹിസ്റ്ററി
A.a (May 25, 2007)
• തുടക്കം
• ബ്ലോഗ് സേര്‍ച്ച്, ടൈം സംവിധാനങ്ങള്‍
• പരിശോധിക്കുന്ന ഫോണ്ടുകള്‍: അഞ്ജലി ഓള്‍ഡ് ലിപി, ഏരിയല്‍ യൂണിക്കോഡ് എം.എസ്, കാര്‍ത്തിക, രചന, തൂലിക
• മലയാളം വായന, ടൈപ്പിംഗ് ലിങ്കുകള്‍

A.b (May 28, 2007)
• സേവ് യൂണിക്കോഡ് - മലയാളം വിക്കി ലിങ്ക് കൂട്ടിച്ചെര്‍ത്തു.
• ബട്ടണ്‍ - ഐക്കണുകള്‍ക്ക് ബുള്ളറ്റ് ടെക്സ്റ്റ് നല്‍കി.
• ഓബ്ജക്ട് കോഡ് കോപ്പി ചെയ്യുമ്പോള്‍ മുകളില്‍ അധികമായി വന്നിരുന്ന സ്പേസ് ഒഴിവാക്കി.

A.c (June 01, 2007)
• അഞ്ച് വ്യത്യസ്ത ബാക്ക്ഗ്രൌണ്ട് ഇമേജുകള്‍ ഉപയോഗിക്കുവാനുള്ള ഓപ്ഷന്‍ നല്‍കി.
• വെബ്ബില്‍ ലഭ്യമായിരിക്കുന്ന ഏതൊരു ചിത്രവും അതിന്റെ യു.ആര്‍.എല്‍. നല്‍കി, വിഡ്ജറ്റിന്റെ ബാക്ക്ഗ്രൌണ്ടായി ഉപയോഗിക്കാവുന്നതാണ്.


ശ്രദ്ധിക്കുക:
• സേര്‍ച്ച് ബോക്സില്‍ മലയാളം ടൈപ്പിംഗ് സാധ്യമാക്കുവാന്‍ കഴിഞ്ഞില്ല (ഫ്ലാഷില്‍ യൂണിക്കോഡ് ടെക്‍സ്റ്റ് എംബഡിംഗ് സാധ്യമാണെങ്കിലും, യൂണിക്കോഡ് ടെക്സ്റ്റ് ടൈപ്പിംഗ് സാധ്യമാവുന്നില്ല). ഓരോ പോസ്റ്റിന്റേയും അവസാനം ആ പോസ്റ്റിനെ സൂചിപ്പിക്കുന്ന കീ-വേഡുകള്‍ ഇംഗ്ലീഷില്‍ നല്‍കുന്നത് നന്നായിരിക്കും.
• ഗൂഗിള്‍ സേര്‍ച്ചില്‍ ലിസ്റ്റ് ചെയ്തിട്ടില്ലാത്ത ബ്ലോഗുകളില്‍ സേര്‍ച്ച് ശരിയായി പ്രവര്‍ത്തിക്കണമെന്നില്ല. ഇവിടെ നിങ്ങളുടെ ബ്ലോഗ് അഡ്രസ് സബ്മിറ്റ് ചെയ്താല് ലിസ്റ്റ് ചെയ്യപ്പെടും.
• കൂടുതലായി ഉപയോഗിച്ചുവരുന്ന മലയാളം യൂണിക്കോഡ് ഫോണ്ടുകള്‍ മാത്രമാണ് ഇവിടെ ലഭ്യമാണോ എന്ന് പരിശോധിക്കുന്നത്. മറ്റ് ഫോണ്ടുകള്‍ ഭാവിയില്‍ ചേര്‍ക്കപ്പെടാം.

Post a Comment

Keywords: Blogger, WordPress, Malayalam, Unicode, Font, Detection, Check, Available, System, Search, Time, Help, Type in Malayalam, Display Malayalam Correctly, List, AnjaliOldLipi, Kartika, Arial Unicode MS
--